ខេត្តតាកែវ៖ភាគីម្ខាងKhmer Khmerចោទប្រកាន់លោកមេបញ្ជាការរង PM ខេត្តតាកែវ ជាប់ពាក់ពន្ធ័ជួយការពារឬកាងអោយអ្នករកស៊ីគ្រឿងញៀនប៉ុន្តែលោក ង៉ែត ចាន់ធី ដែលគេដឹងថា គឺជាមេបញ្ជាការរងកងរាជអាវុធហត្ថខេត្តតាកែវធ្វើការបដិសេធច្រើនចោលនិងទុករយៈពេល១ម៉ោងឲ្យម្ចាស់ផេក Khmer Khmer សុំទោស ជាសាធារណះទៅវិញ។
លោក មេបញ្ជាការរងកងរាជអាវុធហត្ថខេត្តតាកែវរូប នេះ បានបង្ហោះសារលើបណ្តាញសង្គម ដោយទុកពេលឲ្យម្ចាស់ផេក Khmer Khmer ធ្វើការសុំទោសជាសាធារណៈក្នុងរយៈពេល១ម៉ោង ក្រោយផេកមួយនេះបានចោទលោកថា រកស៊ីគ្រឿងញៀន។
លោក ង៉ែត ចាន់ធី បានលើកឡើងថា ការចោទប្រកាន់មកលើរូបលោកគ្មានមូលដ្ឋានច្បាស់លាស់ និងគ្មានភស្តុតាងមកបញ្ជាក់ត្រឹមត្រូវ ហេតុនេះម្ចាស់ផេកKhmer Khmer ត្រូវចេញមុខមកសុំទោសលោកជាសាធារណៈ និងចូលខ្លួនមកដោះស្រាយទើបលោកសុខចិត្តតទៅ បើមិនដូច្នេះទេ លោកនឹងប្រឹក្សាជាមួយមេធាវីអនុវត្តទៅតាមផ្លូវច្បាប់ ពីបទបរិហារកេរ្តិ៍ជាសាធារណៈ ដោយយោងតាមមាត្រា៣០៥ នៃក្រមព្រហ្មទណ្ឌព្រះរាជាណាចក្រកម្ពុជា។ ករណីការលើកឡើងខាងលើនេះ គេពុំទាន់ដឹងថា ភាគីខាងណាខុសឬត្រូវនៅឡើយទេ ខណះមានមហាជនជាច្រើនបានធ្វើការសុំនូមពរតាមរយះគេហទំព័រយើង ឱ្យក្រុមអធិការកិច្ចធ្វើការស៊ើបអង្កេតស្វែងរកការពិតផងទាន!! ដើម្បីជៀសវាងការឆ្លើយដាក់គ្នានិងមានការយល់ច្រឡុំធ្វើអោយប៉ះពាល់ដល់ស្ថាប័នរបស់រដ្ឋាភិបាលជាដើម៕