ខេត្តកំពង់ស្ពឺ÷ សកម្មភាពដឹកជញ្ជូនឈេីខុសច្បាប់របស់ក្រុមឈ្មួញរស់នៅក្នុងស្រុកឱរ៉ាល់ បានបញ្ចេញសកម្មភាពដឹកជញ្ជូនឈើសារជាថ្មីម្ដងទៀយហើយ បន្ទាប់ពីមានសភាពស្ងប់ស្ងាត់មួយរយះពេលខ្លី ដោយផ្ដើមចេញពីមេឈ្មួញដ៏ល្បីល្បាញម្នាក់ម្នាក់ប្រចាំស្រុកឱរ៉ាល់ ខេត្តកំពង់ស្ពឺ។ឈ្មោះណុប ឌី។
យោងតាមសេចក្តីរាយការណ៍ ពីអង្គការក្រៅរដ្ឋាភិបាលនិងប្រជាពលរដ្ឋស្រលាញ់ធនធានធម្មជាតិនៅខេត្តកំពង់ស្ពឺបានឲ្យដឹងថា សកម្មភាពដឹកជញ្ជូនឈេីខុសច្បាប់កំពុងតែបញ្ចេញសកម្មភាពយ៉ាងកក្រេីកឡេីងវិញម្ដងទៀតហើយ ដោយមេឈ្មួញឈ្មោះណុប ឌី ដែលធ្លាប់មានកិតិសព្ទ័ល្បីរន្ទឺកាលពីអតីតកាល ប្រចាំខេត្តពោធ៌សាត់និងខេត្តកំពង់ស្ពឺ ។
ប្រភពប្រាប់បន្ថែមថា មេឈ្មួញដុះស្លែឈ្មោះ ណុប ឌី ខាងលេីនេះត្រូវបានមហាជនចាត់ទុកថា ជាមេឈ្មួញមានសំណាងល្អជាងគេ ដោយលោកណុប ឌីជាមេឈ្មួញឈើយ៉ាងធំ ដឹកឈើជញ្ជូនឈើខុសច្បាប់ចេញពីខេត្តពោធ៌សាត់ឆ្លងកាត់ខេត្តកំពង់ឆ្នាំង យកមកស្តប់ទុកនៅខេត្តំពង់ស្ពឺនិងបន្តយកទៅលក់តាមបណ្ដាខេត្តនិងភ្នំពេញភាកច្រើនយកទៅលក់នៅប្រទេសវៀតណាម កើបលុយធ្វើមានធ្វើបានយ៉ាងប្រងើយគ្មានការរំខានពីសមត្ថកិច្ចពាក់ព័ន្ធម្ដងណាឡើយ។
ជាក់ស្ដែង កាលពីថ្ងៃទី០១ ខែធ្នូឆ្នាំ២០២២ កន្លងទៅមានក្រុមអ្នកសារព័ត៌មានច្រេីនអង្គភាពបានតាមផ្តិតយករូបភាពដោយប្រទះឃើញក្បួនរថយន្ដដឹកឈើរបស់ លោក ណុប ឌី ដែលកំពង់ធ្វើសកម្មភាពដឹកជញ្ជូនឈើខុសច្បាប់ តាមរថយន្ដ បានសុខដោយរលូនគ្មានការរំខានពីសមត្ថកិច្ចខាងណាឡើយ។
ប្រភពបានប្រាប់ថា រថយន្ដដឹកឈើរបស់លោកណុប ឌី ដឹកចេញជារៀងរាល់ថ្ងៃ ព្រោះលោក ណុប ឌី ពូកែខាងរៀបចំកញ្ចប់ជាថវិការរត់ការ ប្រចាំថ្ងៃ ខែ បិទភ្នែកច្រមុះ មន្ត្រីជំនាញខិលខូចមួយចំនួន តាមដងផ្លូវ ដើម្បីជួយបិទបាំង ទៅលើក្បួនរថយន្តដឹកឈើរបស់ខ្លួន បច្ចុប្បន្ននេះ ក្បួនរថយន្ដសម្រុកដឹកជញ្ជូនឈើប្រណិតនឹងប្រភេទឈើម្រេញ សុក្រម ឈ្លិច តាមរថយន្តយីឌុប ចេញពីចំណុចជាំ ចំណុចរមាំងស ឆ្លងកាត់រង្វង់មូលផ្សារកន្ទួត មកស្ទុបទុកនៅផ្ទះនិងដេប៉ូររបស់ខ្លួន នៅត្រង់ចំណុចភូមិដំបងវិញ ឃុំសង្កែសន្ទប ស្រុកឳរ៉ាល់ ខេត្តកំពង់ស្ពឺពេលមានឱកាសបន្តដឹកចេញតាមផ្លូវជាតិលេខ៤១ ដើម្បីធ្វើការចែកចាយបន្តនៅរាជធានីភ្នំពេញនឹងតាមបណ្ដាខេត្តនានា។
ប្រភពដដែលបានបន្តទៀតថា បុគ្គលលោក ណុបឌី ម្នាក់នេះជាមេឈ្មួញជំនួញឈើកាក់កបនិងមានសំណាងជាងគេក្នុងវិស័យមុខជំនួញឈើខុសច្បាប់ក្នុងទឹកដី ខេត្តកំពង់ស្ពឺ។
ប្រភពបន្តថា ឈ្មួញឈើប្រចាំស្រុកឱរ៉ាល់ដូចជាមេឈ្មួញឈ្មោះស៊ី ស និងមេឈ្មួញឈើឈ្មោះជាង ថេង ធ្លាប់បានជាប់គុកនឹងមានឈ្មួញឈើផ្សេងទៀត រងនូវបណ្ដឹងរាប់មិនអស់មានអ្នកខ្លះធ្លាប់រត់គេចខ្លួនថែមទៀតផង ផ្ទុយពីលោកណុបឌី នៅបន្តកាន់មុខជុំនួញឈើដដែលគ្មានការរំខានឈ្មួញឈើដូចគ្នា ប៉ុន្ដែវាសនាមិនដូចគ្នាឡើយ ។
គួររំលឹកផងដែរ!! សកម្មភាពដឹកជញ្ជូនឈេីខុសច្បាប់របស់លោកណុប ឌី លើកនេះ បានឆ្លុះបញ្ចាំងនូវទង្វើផ្ទុយទៅនឹងប្រសាសន៍ របស់លោកវៃ សំណាងអភិបាលគណះអភិបាកខេត្តកំពង់ស្ពឺ ដែល កន្លងមកលោកធ្លាប់ធ្វើការប្រមានទៅលើក្រុមឈ្មួញដឹកជញ្ជូន បទល្មេីសព្រៃឈើ មួយចំនួនថា ទឹកដីខេត្តកំពង់ស្ពឺ មិនមែនជា ទីតាំងសម្រាប់ឱ្យអស់លោក ពួនសម្ងំ លួចលាក់ប្រព្រឹត្តបទល្មើសព្រៃឈើនោះទេ ។
ពេលនោះលោកអភិបាលខេត្តបានបញ្ជាកម្លាំងចុះទៅចាប់បង្ក្រាប ទៅលើទីតាំង លាក់ទុកគំនរឈើជាច្រើនម៉ែត្រគូប នឹងធ្វើការដុតកំទេចចោល នូវរថយន្តកែឆ្នៃ ប្រភេទបាកុងជាច្រើនគ្រឿងថែមទៀតផង។
ជុំវិញករណីខាងលើនេះអង្គភាពសារព័ត៌មានយេីងមិនអាចសុំការបកស្រាយណាមួយពីលោក ណុប ឌី បាននៅឡេីយទេគិតត្រឹមល្ងាចថ្ងៃទី៩ ខែធ្នូរ ឆ្នាំ ២០២២នេះ ដោយទូរសព្ទខលចូលច្រើនដងគ្មានអ្នកទទួល ។
ទោះយ៉ាងណាក្តី មហាជនធ្វើការសំណូមពរដល់ឯកឧត្តម អភិបាលខេត្ត កំពង់ស្ពឺ និង ឯកឧត្តមនាយឧត្តមសេនីយ៍ សៅ សុខា មេបញ្ជាការរងកងយោធពលខេមរៈភូមិន្ទ និងជាមេបញ្ជាការកងរាជអាវហត្ថលើផ្ទៃប្រទេស សូមឯកឧត្តម ចាត់កម្លាំងចុះស៊េីបអង្កេតនូវសកម្មភាពរបស់ឈ្មួញឈេីខាងលេីថាតេីពិតដូចសេចក្តីរាយការណ៍របស់ប្រភពដែលទទួលបានឬទេ បេីពិតមែននោះនិងចាត់វិធានការបង្ក្រាបទប់ស្កាត់ឱ្យទាន់ពេលវេលាផងដេីម្បីថែររក្សាធនធានព្រៃឈេីឲ្យនៅគង់វង្សប្រេីប្រាស់តាមគោលដៅ ។
អង្គភាពសារព័ត៌មានយើង ស្វាគមន៍ រាល់សាម៉ីពាក់ពន្ធ័ប្រតិកម្មធ្វើការបកស្រាយនៅការិយាល័យ យើង រាល់ម៉ោងធ្វើការជានិច្ច ស្របតាមច្បាប់ស្ដីអំពីរបបសារព័ត៌មាន៕ដោយងិន វាសនា
