កំពង់ឆ្នាំង: នៅថ្ងៃទី២៣ ខែវិច្ឆិកា ឆ្នាំ២០២២កម្លាំងសមត្ថកិច្ចចម្រុះខណ្ឌរដ្ឋបាលជលផលកំពង់ឆ្នាំង រួមជាមួយផ្នែករដ្ឋបាលផ្សារឆ្នាំង ផ្នែករដ្ឋបាលជលផលកំពុងប្រសាទនិងសង្កាត់រដ្ឋបាលជលផលកំពង់លែង សង្កាត់រដ្ឋបាលជលផលបរិបូណ៌ សហការជាមួយកម្លាំងប៉ុស្តិ៍នគរបាល ប្រជាការពារឃុំប្រឡាយមាស រួមនិងសហគមន៍នេសាទបានចុះបង្ក្រាបបទល្មើសនេសាទ នៅចំណុចកន្លង១០០ ចំណុចភូមិខុនរ៉ង និងចំណុចព្រែកថ្លាន់ក្នុងភូមិសាស្ត្រស្រុកបរិបូណ៌ ស្រុកកំពង់លែង និងស្រុកជលគិរី ខេត្តកំពង់ឆ្នាំង។
លោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង បានឲ្យដឹងថាក្នុងការចុះបង្ក្រាបខាងលេីនេះកម្លាំងសមត្ថកិច្ចបំផ្លាញចោលទទួលបានលទ្ធផលរុះរើរបាំងសាច់អួនចំនួន២ករណី ស្មើនឹង៧កន្លែងប្រវែង៨៥០ម៉ែត្រ, លូសាច់អួនចំនួន១២មាត់,រុះរើរបាំងស្បៃមុងចំនួន១ករណីស្មើនឹងមួយកន្លែងប្រវែង៣៥០ម៉ែត្រ,បង្គោលសរុបចំនួន 600 ដើមត្រីចម្រុះចំនួន 50 គីឡូក្រាម។
ជាមួយគ្នានេះចុះត្រួតពិនិត្យនិងអង្កេតលើឧបរណ៍នេសាទដោយបានលទ្ធផលសរុបចំនួន២៤ក្នុងនោះមាន÷ អង្កេតលើឧបករណ៍អនុញ្ញាតបានចំនួន៧សូចនាករ,អង្កេតនិងរុះរើបំផ្លាញចោលលើឧបករណ៍មិនអនុញ្ញាតបានចំនួន៣សូចនាករ,អង្កេតលើកត្តាមនុស្សបានចំនួន៦សូចនាករ,អង្កេតលើមធ្យោបាយបានចំនួន៦សូចនាករ និងអង្កេតលើធនធានជលផលបានចំនួន២សូចនាករ។
ក្នុងឱកាសនោះលោក លី ឡា នាយខណ្ឌរដ្ឋបាលជលផលខេត្តកំពង់ឆ្នាំង បានអំពាវនាវដល់បងប្អូន ក្នុងខេត្តកំពង់ឆ្នាំងឲ្យបញ្ឈប់ការនេសាទប្រើប្រាស់ឧបករណ៍ដែលច្បាប់ហាមឃាត់ជាបន្ទាន់ ព្រោះឧបកណ៍ល្មើសច្បាប់បំផ្លាញមច្ឆាជាតិហិនហោចយ៉ាងឆាប់រហ័ស និងត្រូវប្រឈមចំពោះមុខច្បាប់។
