កំពង់ឆ្នាំង: នៅព្រឹកថ្ងៃទី២២ ខែវិច្ឆិកា ឆ្នាំ២០២២លោក ជំទាវ តុង ណារី សមាជិកក្រុមប្រឹក្សាខេត្តកំពង់ឆ្នាំង ប្រធានសម្ព័ន្ធយុវជស្រលាញ់សន្តិភាពខេត្ត និងជាប្រធានគណៈកម្មការពិភាគក្សាពិគ្រោះយោបល់ស្រ្តីនិងកុមារខេត្ត រួមនិងមន្ត្រីរាជការមន្ទីរកិច្ចការនារីខេត្តកំពង់ឆ្នាំង បាន និងមានការចូលរួមពីលោក កេត សុឃា មេឃមេលំ លោកមេភូមិ ចុះសួរសុខទុក្ខ និងនាំនូវអំណោយជាសម្ភារៈនិងថវិកាជួយឧបត្ថម្ភដល់ស្ត្រីកូនភ្លោះ៣នាក់ឈ្មោះ មាន សុមី អយុ២៣ឆ្នាំ ប្តីឈ្មោះ វ៉ាន់ សុវ៉ៃ រស់នៅភូមិមេលំ ឃុំមេលំស្រុកបរិបូណ៌ខេត្តកំពង់ឆ្នាំង សម្រាលកូនលេីកដំបូង នៅមន្ទីរពេទ្យជប៉ុនរាជធានីភ្នំពេញ ទេីបវិលមកលំនៅដ្ឋានវិញនៅពេលថ្មីៗនេះ ។
ឆ្លៀតក្នុងឱកាសនោះផងដែរ លោក ជំទាវ តុង ណារី
បានពាំនាំការសួរសុខទុក្ខពី ឯកឧត្តម ស៊ុន សុវណ្ណារិទ្ធ អភិបាលនៃគណអភិបាលខេត្តកំពង់ឆ្នាំងចំពោះស្ត្រីជាម្តាយ និងក្រុមគ្រួសារផងដែរ ។ លោកជំទាវ បានផ្តាំផ្ញេីដល់ស្ត្រីទេីបសម្រាលកូនភ្លោះ៣ខាងលេី ត្រូវយកចិត្តទុកដាក់គិតគូរថែទាំសុខភាពឲ្យបានល្អ ដោយរស់នៅត្រូវមានអនាម័យ ពិសាទឹកដាំឆ្អិន និងបរិភោគអាហាររូបត្ថម្ភ ឲ្យបានត្រឹមត្រូវ ត្រូវខិតខំពង្រឹងស្មារតីថែទាំសុខភាព និងថែទាំកូនទាំង៣ អោយបានល្អដើម្បីអនាគតទៅថ្ងៃក្រោយ ។ ត្រូវធ្វេីអនាមម័យកម្ចាត់មូសខ្លាសត្វល្អិតផ្សេងៗ តាមរយ: ការរៀបចំសម្ភារក្នុងផ្ទះឲ្យមានសណ្ដាប់ធ្នាប់ ធ្វើយ៉ាងណាអោយមានពន្លឺចាំងចូលក្នុងផ្ទះបានល្អ លុបបំបាត់ថ្លុក សំបកកំប៉ុង សំបកកង់ កាប់ ឆ្ការព្រៃជុំវិញផ្ទះអោយបានស្អាត និងលាងសម្អាតដៃជាមួយសាប៊ូឱ្យបានជាប់ជាប្រចាំចូលរួមការពារ ទប់ស្កាត់មេរោគកូវីដ-១៩ តាមវិធានការរបស់ក្រសួងសុខាភិបាល។
សូមបញ្ជាក់ផងដែរថាអំណោយដែលបាននាំទៅជូនដល់ស្ត្រីទេីបសម្រាលកូនខាងលេីមានអង្ករ ៥០ គីឡូក្រាមសម្ភារៈប្រើប្រាស់សម្រាប់ទារកនិងសម្ភារៈផ្សេងៗជាច្រើនទៀតរួមនឹងថវិកាចំនួន ៣០ម៉ឺនរៀល។
សូមរម្លឹកថា ស្ត្រីឈ្មោះ មាន សុមី អយុ២៣ឆ្នាំ ប្តីឈ្មោះ វ៉ាន់ សុវ៉ៃ រស់នៅភូមិមេលំ ឃុំមេលំស្រុកបរិបូណ៌ខេត្តកំពង់ឆ្នាំង មានជីវភាពរស់នៅលំបាកម្នាក់បានសម្រាលកូនភ្លោះបាន៣ តាំងពីយប់ថ្ងៃទី ៧ ខែវិច្ឆិកា ឆ្នាំ ២០២២ នៅមន្ទីរពេទ្យជប៉ុន រាជធានីភ្នំពេញ បានកូនភ្លោះ៣ ស្រី២ ប្រុស១ ។ ប៉ុន្តែដោយសាតែបញ្ហាសុខភាព ស្ត្រីជាម្តាយ ទើបបានគ្រូពេទ្យអោយបន្តសម្រាកព្យាបាលរហូត ដល់ថ្ងៃទី១៩ ខែវិច្ឆិកាបានអនុញ្ញាតឲ្យត្រឡបមកផ្ទះវិញ។
