ខេត្តបាត់ដំបង៖កម្លាំងនគបាលនៃអធិការដ្ឋាននគរបាលក្រុងបាត់ដំបង បានចុះប្រតិបត្តិការបង្ក្រាបឃាត់ខ្លួនបុរសម្នាក់ភ្លាមៗបន្ទាប់ពីរូបគេបានធ្វើសកម្មភាព ដោយយកដុំថ្មគប់ទៅលើកញ្ចក់រថយន្ត និងម៉ូតូប្រជាពលរដ្ឋដែលធ្វើដំណើរតាមដងផ្លូវសាធារណៈ។
ប្រតិបត្តិការចុះបង្ក្រាបខាងលើនេះ ធ្វើឡើងនៅវេលាម៉ោង២២និង២៥នាទី ថ្ងៃទី២៥ ខែមេសា ឆ្នាំ២០២៣ នៅចំណុចផ្លូវខាងក្រោយវត្ដទួលតាឯក ស្ថិតក្នុងភូមិទួលតាឯក សង្កាត់ទួលតាឯក ក្រុងបាត់ដំបង ឃាត់បានខ្លួនបុរសម្នាក់ភ្លាមៗដែលគេស្គាល់ថាមានឈ្មោះ សេដ្ឋ នៅកន្លែងទីតាំងកើតហេតុខាងលើនេះតែម្តង។
សមត្ថកិច្ចប្រាប់ថា ជនសង្ស័យខាងលើ ជាមនុស្សបែកថ្នាំត្រូវបានសមត្ថកិច្ចនាំយកទៅធ្វើការសាកសួរនៅអធិការដ្ឋាននគរបាលក្រុងបាត់ដំបង ដើម្បីកសាងសំណុំរឿងចាត់ការតាមនីតិវិធីច្បាប់។ដោយក្រាំង មាស
