ខេត្តកំពង់ឆ្នាំង៖ សមត្ថកិច្ចចម្រុះរបស់រដ្ឋបាលជលផលបានចុះបង្ក្រាបបទល្មើស នេសាទរបាំងសាច់អួនខុសច្បាប់នៅ ស្រុកបរិបូណ៌ចាប់ផ្ដើម ថ្ងៃ សុក្រ ១០ រោច ខែជេស្ឋ ឆ្នាំ ខាល ចត្វាស័ក ព.ស ២៥៦៦ ត្រូវនឹងថ្ងៃទី ២៤ខែ មិថុនា ឆ្នាំ ២០២២ ។ ក្នុងប្រតិបត្តិការ ចុះបង្ក្រាប មានកម្លាំង គណៈបញ្ជាការឯកភាពខេត្តកំពង់ឆ្នាំងរួមទាំងកម្លាំងរបស់គណៈបញ្ជាការឯកភាពស្រុកបរិបូណ៌និងខណ្ឋរដ្ឋបាលជលផលកំពង់ឆ្នាំង ដឹកនាំដោយឯកឧត្តម សាន់ យូអភិបាលរងខេត្តកំពង់ឆ្នាំង លោក លី ឡា នាយខណ្ឌរដ្ឋបាលជលផល លោកចេងចាន់ដូណាអភិបាលស្រុកបរិបូរណ៍ កងកម្លាំងប្រដាប់អាវុធទាំង៣ សរុបចំនួន ១៩នាក់ មធ្យោបាយកាណូតស្មាច់ ចំនួន០៣ គ្រឿង។
ការចុះប្រតិបត្តិការបង្រ្កាបបទល្មើសជលផល នៅចំណុច ដំបូកក្រហម ភូមិកំពង់អួរ ឃុំ ខុនរ៉ង ស្រុកបរិបូណ៌ ខេត្តកំពង់ឆ្នាំង ។ លទ្ធិផលសម្រេចបានរួមមានៈ
-រុះរើ របាំងសាច់អួន ចំនួន១ករណី ស្មើ និង០៦កន្លែង ប្រវែង ៦០០ ម៉ែត្រ
- លបលូសាច់អួនចំនួន ១០គ្រឿង
- កាប់បំផ្លាញចោលបង្គោល ចំនួន ៥០០ ដើម
- និងចាក់ត្រីចម្រុះចូលបឹងធម្មជាតិវិញ ចំនួន ១០ គីឡូក្រាម។
ចុះបង្ក្រាបនៅថ្ងៃទី២ ត្រូវនឹងថ្ងៃសៅរ៍១១រោចខែជេស្ឋឆ្នាំខាល ចត្វាស័ក ពស២៥៦៦ ត្រូវនឹងថ្ងៃទី២៥ខែមិថុនា ឆ្នាំ២០២២ កម្លាំងខណ្ឌរដ្ឋបាលជលផលកំពង់ឆ្នាំង សហការជាមួយគណះបញ្ជាការឯកភាពស្រុកកំពង់លែងបញ្ជាការឯកភាពស្រុកបរិបូណ៍ និងកងកម្លាំងប្រដាប់អាវុធទាំង៣ សរុបចំនួន២២នាក់ប្រើប្រាស់មធ្យោបាយធ្វើដំណើរដោយកាណូតតូចធំចំនួន៥គ្រឿង។ ដឹកនាំដោយ ឯកឧត្តម សាន់ យូ អភិបាលរងខេត្តកំពង់ឆ្នាំង លោកចេង ចាន់ដូណា អភិបាលស្រុកបរិបូរណ៍ ចុះបង្រ្កាបបទល្មើសជលផលនៅចំណុច(ភូមិកំពង់ព្រះ)ក្នុងស្រុកបរុបូរណ៍ និងចំណុច(វាលភក់) ក្នុងភូមិសាស្រ្ត ស្រុកកំពង់លែង ខេត្តកំពង់ឆ្នាំង។ លទ្ធិផលសម្រេចបានរួមមានៈ
- រុះរើរបាំងសាច់អួនចំនួន ២ករណីស្មើនឹង១៣កន្លែងស្មើនឹងប្រវែង៦៨០ម៉ែត្រ
-បំផ្លាញចោលបង្គោលនៅនឹងកន្លែងចំនួន៦០០ដើម
-លបលូសាច់អួនចំនួន២១គ្រឿង
-និងចាក់ ត្រីចម្រុះចូលបឹងធម្មជាតិវិញចំនួន១០គីឡូក្រាម។
បង្ក្រាបលើកទី៣នៅ ថ្ងៃ អាទិត្យ ១២ រោច ខែ អាសាឍ ឆ្នាំ ខាល ចត្វាស័ក ព.ស ២៥៦៦ ត្រូវនឹងថ្ងៃទី២៦ ខែ មិថុនា ឆ្នាំ ២០២២ កម្លាំងខណ្ឌរដ្ឋបាលជលផលកំពង់ឆ្នាំងសហការណ៍ជាមួយគណៈបញ្ជាការឯកភាពស្រុកបរិបូណ៌,សហគមន៍នេសាទកំពង់ព្រះគគីរ កម្លាំងចូលរួមសរុប ២៨នាក់ មធ្យោបាយធ្វើដំណើរ កាណូតស្មាច់ចំនួន ៦ គ្រឿង ។ ក្នុងប្រតិបត្តិការចុះបង្រ្កាបបទល្មើសជលផលនេះ នៅ ត្រង់ចំណុច (កោះក្អែ) (កោះតាម៉ូវ) ឃុំ កំពង់ព្រះគគីរ ស្រុក បរិបូណ៌ ខេត្ត កំពង់ឆ្នាំង ។
លទ្ធិផលសម្រេចបានរួមមានៈ
-របាំងសាច់អួន ៣ កន្លែង ប្រវែង៣០០ ម៉ែត្រ
-លបលូសាច់អួន ចំនួន៥ គ្រឿង
- បំផ្លាញចោលបង្គោល នៅនឹងកន្លែង ចំនួន៣០០ ដើម
-និងចាក់លែងត្រីចម្រុះចូលបឹងធម្មជាតិវិញ ចំនួន៥ kg។
ក្នុងប្រតិបត្តការចុះបង្ក្រាបនោះ ឯកឧត្តម អភិបាលរងខេត្តបញ្ជាក់ទៀតថា ចុះបង្ក្រាបប្រើរយះពេល៧ថ្ងៃជាប់គ្នា គ្រប់ស្រុក ទាំងអស់ មិនត្រូវឲ្យមានបទល្មើសនេសាទខុសច្បាប់ជាដាច់ខាត លោកបានដាក់បទបញ្ជាតឹងរ៉ឹង គឺមិនឱ្យមានបទល្មើសកើតឡើងម្ដងទៀតជាដាច់ខាត សមត្ថកិច្ចតាមគោលដៅត្រូវចុះបង្ក្រាបឱ្យដូចភ្លៀងរលឹម បើមានបទល្មើសនេសាទកន្លែងណា មន្ត្រីនិងសមត្ថកិច្ចពាក់ពន្ធ័នៅទីនោះជាអ្នកទទួសខុសត្រូវ។
-នាឱកាសនោះ លោកលី ឡានាយខណ្ឌរដ្ឋបាលជលផលកំពង់ឆ្នាំង ក៏បានអំពាវនាវដល់បងប្អូនជាអ្នកនេសាទនៅបឹងទន្លេសាបខេត្តកំពង់ឆ្នាំងទាំងអសលមេត្តាកុំធ្វើការនេសាទប្រើប្រាស់ឧបករណ៍ ដែលច្បាប់ធ្វើការហាមឃាត់ ព្រោះវាធ្វើឱ្យរលាយហិនហោចដល់មច្ឆាជាតិ និងមួយវិញទៀតបងប្អូនប្រឈមចំពោះមុខច្បាប់ថែមទៀតផង ។សូមបងប្អូនជួយរួមថែរក្សាធនធានធម្មជាតិដែលជាសម្បត្តិរួមរបស់យើងទាំងអស់គ្នាទុកយូរអង្វែងឲ្យដល់កូនចៅយើងជុំនាន់ក្រោយផង៕ដោយងិន វាសនា
