កំពង់ឆ្នាំង៖ ដើម្បីចូលរួមបង្ការ និងទប់ស្កាត់ការរីករាលដាលនៃជំងឺកូវីដ ១៩ សហភាពសហព័ន្ធយុវជនកម្ពុជាខេត្តនិងស្រុកសាមគ្គីមានជ័យនៅព្រឹកថ្ងៃទី២៦ខែមិថុនាឆ្នាំ២០២០
នេះ បានចុះធ្វើយុទ្ធនាការផ្សព្វផ្សាយពន្យល់ណែនាំអំពីវិធានការណ៍បង្ការ និងទប់ស្កាត់ការរីករាលដាលនៃជំងឺកូវីដ ១៩ ជូនដល់បងប្អូនប្រជាពលរដ្ឋ នៅតាមទីប្រជុំជននៅផ្សារក្រាំងល្វា និងតាមខ្នងផ្ទះក្នុងឃុំធ្លកវៀន ក្នុងស្រុកសាមគ្គីមានជ័យ ដឹកនាំដោយឯកឧត្តម ហេង ពិទូ ប្រធាន ស.ស
.យ.ក.ខេត្ត និងមានការអញ្ជើញចូលរួមពី ឯកឧត្តម ស៊ុន សុវណ្ណារិទ្ធិ អនុប្រធាន ស.ស.យ.ក.ខេត្តសមាជិកសមាជិកា ស.ស.យ.ក. ខេត្ត និងស្រុកសាមគ្គីមានជ័យ។លីទី
គោលបំណងនៃយុទ្ធនាការនេះ ដើម្បីផ្សព្វផ្សាយពន្យល់ណែ
នាំបន្ថែម អំពី ព័ត៌មាននៃការរីករាលដាលនៃជំងឺកូវីដ-១៩ ដែលកំពុងកើតឡើងនៅលើសកលលោក ហើយក៏កំពុងកើតមាននៅក្នុងប្រទេសកម្ពុជា ក្នុងនោះក៏មានចែកខិតប័ណ្ណ បិទផ្សាយផ្សាយ សារអប់រំ និងណែនាំ អំពីវិធានការការចម្លងពីជំងឺកូវីដ១៩ នៅទីតាំងលក់ដូរ អាជីវកម្ម ផ្សេងៗ និងកន្លែងធ្វើដំណើរ ស្របតាមការណែនាំ របស់ក្រសួងសុខាភិបាល បន្ថែមទៀត។
រួមជាមួយវិធានការ នៃការ ការពារជំងឺឆ្លងកូវីដ ១៩ នេះ ជូនដល់ប្រជាពលរដ្ឋ មានដូចជា ត្រូវលាងដៃឱ្យបានញឹកញាប់ជាមួយសាប៊ូ ឬទឹកអាល់កុលលាងដៃ , ខ្ទប់មាត់ និងច្រមុះ នៅពេលក្អក ឬកណ្ដាស់ ដោយកន្សែង ក្រម៉ា ក្រដាស ឬដោយកែងដៃ , ចៀសវាងប៉ះពាល់ជិតស្និទ្ធជាមួយអ្នកដែលមានគ្រុនក្ដៅ និងក្អក ឬផ្ដាសាយ , ចៀសវាងប៉ះពាល់ភ្នែក ច្រមុះ ឬមាត់ , ត្រូវចម្អិនសាច់ ឬស៊ុតឲ្យបានឆ្អិនល្អនិងជៀស
វាងប៉ះពាល់ជាមួយសត្វព្រៃរស់ ឬកន្លែងចិញ្ចឹមសត្វដោយគ្មានពាក់សម្ភារការពារខ្លួនជាដើម។
ក្នុងឱកាសនោះដែរ ឯកឧត្តម ហេង ពិទូ ក៏បានសំណូមពរ ដល់ប្រជាពលរដ្ឋ ត្រូវយកចិត្តទុកដាក់អនុវត្តឱ្យបានជាប្រចាំ សូមកុំធ្វេសប្រហែសឱ្យសោះប្រសិនបើមានបងប្អូនប្រជាពល
រដ្ឋដែលចំណាកស្រុក ត្រូវបានវិលត្រឡប់មកពីក្រៅប្រទេសវិញសូមឱ្យពួកគាត់តាមដានសុខភាពជាប្រចាំ និងទំនាក់ទំនងជាមួយអាជ្ញាធរមូលដ្ឋានជាពិសេសក្រុមការងារប្រយុទ្ធប្រឆាំង និងការរីករាលដាលនៃមេរោគកូវីដ១៩ដែលនៅជិតបំផុតដើម្បីអនុវត្តវិធានការដាក់អោយនៅដោយឡែកចំនួន ១៤ថ្ងៃសិន ដើម្បីធានាបានសុខសុវត្ថិភាពក្នុងក្រុមគ្រួសារ និងសហគមន៍របស់បងប្អូន។
ក្នុងឱកាសនៃការចុះផ្សព្វផ្សាយនោះដែរ ឯកឧត្តម ហេង ពិទូ ប្រធាន ស.ស.យ.ក. ខេត្ត បានធ្វើការប្រគល់សម្ភារជូនដល់ ស.ស.យ.ក.ស្រុកសាមគ្គីមានជ័យ រួមមាន៖ ១.ម៉ាស់ ៥០០, ២.ខិតប័ណ្ណ ៤០០សន្លឹក, ៣.បដា ១.៥ម×៤ម ២ផ្ទាំង, ៤.បដា ១.៥ម×១០ម ២ផ្ទាំង ៥.អាកុល ៣យួរ ៦.ភេសជ្ជៈ ២កេស ៦.ទឹកសុទ្ធ ៥កេស និងថវិកា ចំនួន ២០០ ០០០រៀល ផងដែរ ៕
