កំពង់ឆ្នាំង: នៅវេលាម៉ោង ៥:០០ នាទី ល្ងាច ថ្ងៃទី១៩ ខែកញ្ញា ឆ្នាំ២០២២ ឯកឧត្តម អុិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង ដឹកនាំកម្លាំងសមត្ថកិច្ចខណ្ឌរដ្ឋបាលជលផលកំពង់ឆ្នាំងចុះបង្ក្រាបស្ទាក់ចាប់ទូកឌុកលួចដឹកលូនត្រីល្អិតល្មេីសច្បាប់ជលផលក្នុងរដូវបិទនេសាទ។
ការចុះបង្ក្រាបខាងលេីនេះធ្វេីឡេីងនៅចំណុចភូមិក្បាលកន្លង់ ឃុំពាមឆ្កោក ស្រុកជលគិរី ខេត្តកំពង់ឆ្នាំង ។
សូមបញ្ជាក់ផងដែរថាកូនត្រីល្អិតដែលជនល្មេីសលួចដឹកជញ្ជូនខយសច្បាប់ក្នុងរដូវបិទនេសាទនេះមានចំនួនជាច្រេីនរយគីឡូក្រាម ហេីយបានមកពីការនេសាទដោយការប្រេីប្រាស់ឧបករណ៍ស្បៃមុងដែលច្បាប់ហាមឃាត់ ។
បន្ទាប់ពីស្ទាក់ចាប់បានទូកឌុកខាងលេីខាងលេី កូនត្រីជាច្រេីនរយគីឡូក្រាមត្រូវបានចាក់លែងចូលក្នុងទន្លេធម្មជាតិវិញ ។ ដោយឡែកជនសង្ស័យ និងវត្ថុតាងបទល្មេីសត្រូវបានមន្ត្រីជំនាញកសាងសំណុំរឿងតាមនីតិវិធី ។
ប្រជាពលរដ្ឋបានសម្តែងនូវការកោតសរសេីរ និងត្រេកអរយ៉ាងខ្លាំងក្រោយឃេីញការដឹកនាំកម្លាំងបង្ក្រាបរបស់ឯកឧត្តមព្រះរាជអាជ្ញាបែបនេះ ព្រោះថាអ្នកនេសាទ និងដឹកជញ្ជូនកូនត្រីដែលបាននេសាទដោយឧបករណ៍ល្មេីសច្បាប់ទាំងនេះជាអ្នកបំផ្លាញពូជត្រីយ៉ាងរង្គាល និងជាហេតុធ្វេីឲ្យមច្ឆាជាតិបាត់បង់គួរឲ្យសោកស្តាយ ។
ជាមួយគ្នានេះ ឯកឧត្តម ព្ររាជអាជ្ញាអំពាវនាវដល់ប្រជានេសាទទាំងអស់បញ្ឈប់នូវសកម្មភាពនេសាទខុសច្បាប់ និងការប្រេីប្រាស់ឧបករណ៍ខុសច្បាប់ដែលជាហេតុនាំឲ្យទទួលទោសទណ្ឌ ម្យ៉ាងវិញទៀតការនេសាទខយសច្បាប់ និងប្រេីឧបករណ៍នេសាទល្មេីសច្បាប់នេះ គឺជាការបំផ្លាញ និងធ្វេីឲ្យហិនហោចពូជមច្ឆាជាតិ និងជាការបំផ្លាញខ្លួនឯងនៅពេលអនាគត ។
