ខេត្តស្ទឹងត្រែង៖គ្រោះថ្នាក់ចរាចរណ៍ដ៏រន្ធត់មួយបានកើតឡើង នៅវេលាម៉ោង១៨,៣០នាទី ថ្ងៃទី០១ ខែមិថុនា ឆ្នាំ២០២០ នៅចំណុចបង្គោលគីឡូលេខ៤៦៨ លើកំណាត់ផ្លូវជាតិលេខ៩ ស្ថិតក្នុងភូមិអូរត្រែល ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង ។យោងតាមប្រភពប្រជាពលរដ្ឋនៅកន្លែងកើតហេតុបានអោយអង្គភាព ក្រាំងមាសយើងដឹងថា រថយន្តពីរគ្រឿង បើកវ៉ាជែងគ្នាខ្វះការប្រុងប្រយ័ត្ន មកបុកម៉ូតូ១គ្រឿងធ្វើដំណើរ ពីរត្បូងទៅជើងខណះ រថយន្តដែលកំពង់ធ្វើដំណើរពីរជើងទៅត្បូង ជ្រុលបុកម៉ូតូយ៉ាងពេញទំហឹង ធ្វើឱ្យស្ត្រីជាប្រពន្ធរងរបួសធ្ងន់ដាច់ជើងស្តាំ។
យោងតាមរបាយការណ៍នគបាលសណ្តាប់ធ្នាប់ នៃអធិការដ្ឋាននគបាលស្រុកថាឡាបរិវ៉ាត់ បានឲ្យដឹងថា រថយន្តម៉ាកកាមរីឆ្លាមពណ៍ទឹកប្រាក់ ពាក់ស្លាកលេខបាត់ដំបង2B.6351បើកបរពីជើងទៅត្បូង បើកបរដោយឈ្មោះប្រាក់ ដារា ភេទប្រុសអាយុ២៧ឆ្នាំ មុខរបរបើកបរ រស់នៅភូមិព្រែកមហាទេព ឃុំស្វាយប៉ោ ក្រុងបាត់ដំបង ខេត្តបាត់ដំបង ចំណែកផ្ចែងគ្នាមួយគ្រឿងផ្សេងទៀត ត្រូវបើករត់គេចខ្លួនបាត់ស្រមោល។
មកបុកម៉ូតូជនរងគ្រោះបើកបរពីរត្បូងទៅជើងបញ្ច្រាសទិស ធ្វើឲ្យរថយន្តបើកជែងគ្នាពីគ្រឿង គេចមិនផុតទៅបុកម៉ូតូពេញទំហឹង បណ្តាលឲ្យជនរងគ្រោះបើកម៉ូតូឌុបគ្នា រងរបួសធ្ងន់ទាំងពីរអ្នក ចំណែកប្រពន្ធរងរបួសដាច់ជើងស្តាំ។
ជនរងគ្រោះអ្នកបើកបរម៉ូតូត្រូវជាប្តីឈ្មោះចាន់ សុផិត ភេទប្រុសអាយុ៥៧ឆ្នាំ មុខរបរយោធាយោធភូមិទី១ រស់នៅបច្ចុប្បន្នភូមិថ្មី សង្កាត់ ក្រុង ខេត្តស្ទឹងត្រែង ប្រពន្ធរងរបួសដាច់ជើងស្តាំឈ្មោះម៉ែន សាមិត្ត អាយុ៥១ឆ្នាំ មុខរបរគ្រូបង្រៀន រស់នៅជាមួយគ្នា។
ក្រោយកើតហេតុត្រូវបានរថយន្តសាម៉ុយ ដឹកយកមកសង្គ្រោះបន្ទាន់នៅមន្ទីរពេទយោធភូមិភាគទី១។ ចំណែករថយន្តបង្កនិងម៉ូតូជនរងគ្រោះ ត្រូវបានយកមករក្សាទុកនៅ អធិការដ្ឋាននគបាលស្រុកថាឡាបរិវ៉ាត់ រងចាំដោះស្រាយពេលក្រោយ។
បច្ចុប្បន្នជនរងគ្រោះត្រូវបានបញ្ជូនបន្តទៅសង្គ្រោះបន្ទាន់ នៅមន្ទីរពេទ្យរាជធានីភ្នំពេញ ដោយសារតែស្ថានភាពរបួសធ្ងន់ ហូរឈាមច្រើនពេក ស្ត្រីជាប្រពន្ធ ចំណែកប្តីនៅសម្រាកព្យាបាលនៅមន្ទីរពេទយោធភូមិទី១ដដែល។
