ភ្នំពេញ៖បន្ទាប់ពីល្បីនៅលើបណ្ដាញសង្គម តារាសម្តែងដ៏ល្បី សឿ សុធារ៉ាជួបព្យុះភ្លៀង រង់នូវទុក្ខលំបាកជាច្រើនរាប់មិនអស់ ធ្វើឱ្យមហាជនមានការចាប់អារម្មណ៍យ៉ាងខ្លាំង ស្រាប់តែម្សិលមិញនេះ អតីតតារាសម្ដែងស្រីដ៏ល្បីឈ្មោះ អ្នកនាង សឿ សុធារ៉ា និងកូនៗ មានឱកាសត្រូវបានទទួលជួបឯកឧត្តម ខៀវ កាញារីទ្ធ និងត្រូវបានឯកឧត្តម ផ្តល់ជូននូវថវិកាមួយចំនួន ដើម្បីដោះស្រាយជីភាពរស់នៅប្រចាំថ្ងៃថែមទៀតផង។
-នេះបើយោងតាមគណនីហ្វេសប៊ុកផ្លូវការរបស់ឯកឧត្តម ខៀវ កាញារីទ្ធ បានបង្ហោះរូបភាព ឯកឧត្តម ក្នុងការទទួលជួបអតីតតារាសម្ដែងអ្នកនាង សឿ សុធារ៉ និងកូនៗ ដោយភ្ជាប់ជាមួយសំណេរដ៏មានន័យជ្រាវជ្រៅថា ៖ ថ្ងៃទី០៩ ខែធ្នូ ឆ្នាំ២០២២ ឯកឧត្តម ខៀវ កាញារីទ្ធ រដ្ឋមន្ត្រី ក្រសួងព័ត៌មាន បានទទួលជួប និងផ្តល់ជូននូវថវិកាដល់អ្នកនាង សឿ សុធារ៉ា អតីតតារាសម្ដែង និងកូនៗ ដែលកំពុងជួបការលំបាកក្នុងជីវភាពរស់នៅប្រចាំថ្ងៃ ហើយទើបបាត់បង់ម្តាយជាទីស្រលាញ់ទទួលមរណភាព ដោយរោគាពាធកាលពីពេលថ្មីៗកន្លងមកនេះ ។
-យ៉ាងណាមិញ ក្នុងការទទួលជួបអ្នកនាង សឿ សុជារ៉ា និងកូនៗ នេះដែរ ឯកឧត្តម រដ្ឋមន្ត្រី ខៀវ កាញារី
ទ្ធ ក៏បានផ្ដល់ដំបូលន្មានល្អជាច្រើនដល់តារាស្រីរូបនេះ ពិសេសនោះ ឯកឧត្តម ក៏បានជម្រុញ និងលើកទឹកចិត្តដល់អ្នកនាង សឿ សុធារ៉ា ត្រូវតែបន្តខិតខំប្រឹងប្រែងតស៊ូជំនះរាល់ឧបសគ្គទាំងឡាយ ដែលកើតមានឡើងក្នុងឆាកជីវិត ដើម្បីជាស្ពានចម្លង និងមើលថែរក្សាកូនៗ អោយប្រឹងប្រែងសិក្សារៀនសូត្រ មានចំណេះដឹង មានអនាគតល្អ ។
-ជាក់ស្តែង អ្វីដែលធ្វើឲ្យមហាជន មានការរំភើបចិត្តជំនួស តារាសម្តែង សឿ សុធារ៉ា នោះគឺ នៅកាលពីព្រឹកថ្ងៃទី ១២ ខែធ្នូ ឆ្នាំ២០២២ នេះ អ្នកនាង សឿ សុធារ៉ា បានបង្ហោះសារនៅលើហ្វេសប៊ុករបស់អ្នកនាងថា ខៀវកញ្ញារិទ្ធ និងលោកជំទាវ បានទិញផ្ទះជូននាងមួយកន្លែង ដែលមានតម្លៃ 20000$ ។
-ហើយនេះជាខ្លឹមសារទាំងស្រុងដែល តារាសម្តែង សឿ សុធារ៉ា បានបង្ហោះ ដោយអ្នកនាង បានរៀបរាប់ថា ៖ «នាងខ្ញុំសឿ សុធារ៉ាព្រមទាំងកូនៗ សូមលើកដៃសំពះដឹងគុណដល់ ឯកឧត្តមរដ្ឋមន្រ្តីក្រសួងពត៌មាន
-ឯកឧត្តម ខៀវកញ្ញារិទ្ធ និងលោកជំទាវ ដែលបានផ្តល់ជំរកអោយនាងខ្ញុំនិងកូនៗអោយបានរស់រានមានជីវិតសារជាថ្មីឡើងវិញ ដែលមានតំលៃ 20000$, ដើម្បីជាការនឹករលឹកដឹងគុណដល់លោកទាំងពីរ នាងខ្ញុំនិងកូនៗនិងខិតខំបំរើដល់សិល្បៈជាថ្មីឡើងវិញទាំងម្តាយ ទាំងកូនអោយអស់ពីកំលាំងកាយចិត្តហើយក៏ដើម្បីបំរើដល់អារម្មណ៍បងប្អូនទាំងអស់គ្នាក្នុងវិស័យសិល្បៈនេះអោយជាប់លាប់ មិនអោយលោកទាំងពីរខកបំណងឡើយ.កូន និងចៅៗ សូមជូនពរលោកទាំងពីរអោយមានសុខភាពរឹងមាំ មានសុភមង្គល ដើម្បីគង់ជាម្លប់នៃសិល្បៈគ្រប់វិស័យទាំងអស់» ៕
